Kantu-jira ederra antolatu dugu San Pedroko eta Trintxerpeko kaleetan, hala, LH5eko eta LH6ko ikasleek goiz pasa polita egin dute, kantari. Euskara eta euskal kultura indartzeko ekimena da honakoa. Ikasturte osoan zehar ikasgelan abestiak ikasten aritu gara, hilean bat, eta gaurko Kantu-jiran ikasitakoa plazaratzeko aukera izan dugu. Lizeoko Kantu-jiraren bigarren edizioa da hau –iaz Antxora jaitsi ginen–, eta arrakasta ikusita jarraipena izango duelakoan gaude. Gainera, Ibilbidean zehar primerako laguntzaileak batu zaizkigu, batetik, Jose Inazio Murua sanpedrotar musikaria bere panderoarekin, eta bestetik, San Pedroko ikastolako ikasle txikiak.
Jarraian ikasturtean landu ditugun abestien zerrenda eta ekimeneko bideo-irudi batzuk:
- Tabernako argiak
- Ostatuko neskatxaren koplak
- Hamen
- Aita semeak
- Axun kla, kla
- Kimu bat zuhaitzean
- Bexamela eta pastela
- Gu geu garena
- Bizitzarekin dantzan
- Eperra
