AEKk aurkeztu du 24. KORRIKAren ibilbidea, eta Lizeoak, betiko moduan, bat egingo du euskararen aldeko ekimen erraldoi honekin. Euskararen alde korrika eginez, komunitatea aktibatzeko eta parte hartzera animatzeko unea iritsi da.
Aurten Korrika Atharratzetik abiatuko da martxoaren 19an, eta 11 egunez Euskal Herria zeharkatu ondoren, martxoaren 29an Bilbon amaituko da. Guztira, 2.175 kilometro, 3.436 lekuko-hartze eta 460 herri inguru igaroko ditu; inoiz baino parte-hartzaileagoa izango dela aurreikusten da.
Martxoaren 25ean, goizean goiz, gure ingurutik pasako da Korrika, eta ordutegi hauek izango ditu gutxi gorabehera:
Lezo: 06:59
Donibane: 07:24
San Pedro: 07:33
Trintxerpe: 07:39
Antxo: 08:25
Animo eta entrenatzera!
Euskararen alde, KORRIKA. Euskara gara! 💚
