Pasaia Lezo Lizeoa

Antxoko, San Pedroko eta Trintxerpeko, Donibaneko eta Lezoko ikastoletako bi urtekoek txangoa egin dute. Martuteneko Txominenean egun pasa egin dute. Ikusi hemen bildu ditugun zenbait argazki.

Lezoko Txirbila aisialdi taldeak Zabarreren etorrera prestatzeko, pirata jantzia egiteko tailerra antolatu du.

Saioa hilaren 26an izango da, Lezoko herriko plazan, arratsaldeko 17:00etatik 19:00etara.

Bertan parte hartzeko kamixeta zaharrak eta eskulanak egiteko gogoa eraman beharko dira.

Pasaiako Udala datozen 10 urteetarako Euskararen Plan Estrategikoa diseinatzen ari dela, saio berezi bat prestatu du Lizeoko gazteekin. Batxillergoko ikasleak Juanba Berasategi aretora deitu dituzte eta galdera bat planteatu diete: eta zuk zer? . Asier Izagirre sanjundarra eta Eider Perez trintxerpetarra izan dira saioaren gidari. Modu ludiko batean gazteei euskaraz egin ahal izateko zeintzuk diren dituzten nahiak eta beharrak galdetze aritu dira saio interesgarri batean. 

Pasaia-Lezo Lizeoko Orientazio Departamentuak proposamen berri bat egin du enpatia lantzeko asmoz eta horretarako "adimen emozionalaren blogean" bideo berri bat txertatu du, hirugarrena. IKUSI HEMEN.

DBH3koek Mikel Santos Belatz marrazkilariarekin solasean aritzeko aukera izan dute. Lucio Urtubia anarkista nafarraren bizitza jasotzen duen Gerezi garaia komikia etxeetan irakurri eta gelan landu ondoren egilearekin hizketaldia izateko aukerak ederki borobildu du azken asteetako lana.

Markel Perutxena, Jon Mayoral eta Ander Lizarazu ikasleek bideo-jolas bat sortu dute EKOFISH proiektuaren baitan. "Jolastu munduko jolasik zailenera, atera ezazu zaborra itsasotik eta bota dagokion zakarrontzira", diote.

LH1koek Olinpiar Jokoak ospatu dituzte Lezoko ikastolako patioan, antzinako greziarren antzera, erramu hostoekin egindako koroa eta guzti. Ikusi hemen zenbait argazki.

LH 5 mailako ikasleak EKI proiektuko Ingurunea arloan, materiaz inguratuta gaudela eta materia horren egoera ezberdinak zein diren aztertzen aritu dira. Horren harira, DBHkoen laborategira joateko aukera izan dute eta bertan ura berotzean tenperaturarekin zer gertatzen den ikertzen jardun dute. Hasieran ikasleek bere usteak formulatu ondoren, hipotesien baliozkotasuna frogatuz amaitu dute saioa. Saio berezi honetan DBHko irakasle Mikel Gil izan dute laguntzaile.