Pasaia Lezo Lizeoa

Desberdintze curricularreko DBH3ko ikasleak Pasaiako errekastoetan ibili dira, bertako basoaren osasuna, ubidearen egoera eta uraren kalitatea neurtzen.

Lizeoko eraikinetara iritsi dira Errigorako saskiak: zuriak, beltzak eta berdeak. Denera 69 saski. Jasotzeko prest daude gure eraikinetan, beraz, eskatu eta berea jaso ez duenak hor topatuko du. Euskarari puzka ederra aurtengoa. Zorionak!

NEGUKO KATALOGOA: JOSTAILUAK ETA PRODUKTUAK SALGAI

Etxean izango duzue jada “Euskara non?” kartela. Idatzi edo marraztu nahi duzuena, atera familia argazki bat apaindutako kartelarekin eta bidali bueltan: euskarareneguna@lizeoa.eus helbidera. Abenduaren 3a arte jasoko ditugu. Euskararen eguna dela eta bideo polit bat egiteko asmoa dugu. Komunitatea egiten, euskaraz.

Aste honetan, Titirijai nazioarteko 27. txotxongilo jaialdira joaten ari dira Lehen Hezkuntzako gureak. Astean zehar zenbait ikuskizun eskaintzen ari dira eta Juanba Berasategi aretora gerturatu gara haiek ikustera. Argazkietan “Niyar, paperezko istorio bat” ikuskizuna jaso dugu.

Hauexek dira aurten antolatzaileek ekarri dituzten ikuskizuna:

 “ HAMELIN”. Xip Xap konpainia (Katalunia)

Dagoeneko zuen etxeetara iritsi dira Hendaiako ikastolatik bidali dizkiguten txokolatezko eguberriko egutegiak. Denera, lizeokideok, 183 egutegi erosi ditugu. Elkartasun keinu xume hau laguntza aparta izango da Hendaiako Gure Ikastolaren egoera ekonomikoa arintzeko.

Asisko Urmenetaren marrazkia du egutegiak aurrealdean eta Amets Arzallus, orain gutxi Xilabako txapelketaren garailearen bertso bat atzealdean:

"Txokolate bat balitz bezala hartu hitz bat egunero,

erantz ezazu, hunki ezazu, ta sartu ahora gero,

Hasiak gara datorren ikasturteari begira lanean, txikienen matrikula epea oraindik zabaldu ez bada ere zuen inguruan Lizeoaz gehiago jain nahi duen norbait ezagutzen baduzue egiozue gonbita. Formulario hau betetzen dutenekin harremanetan jarriko gara eta gure ikastetxea eta gure proiektu pedagogikoa erakutsiko dizkiegu.

Ekintza ugari egin genituen Lizeoan pasa den astearen bukaera aldera, denak, haurren eskubideak ardatz zituztela. Azaroaren 20ko dataren bueltan,  Haur eta Nerabeen Eskubideen Nazioarteko Eguna, hain zuzen ere, maila guztietan tutoretzetan gaiaren inguruko lanketa egin genuen. Ekintza txikiak ere burutu ditugu: eskubideen gaia lantzen dituzten bideoak ikusi ditugu, kartelak eta muralak diseinatu ditugu eta Pasaiako Udalak Eskubidean programaren bitartez banatu duen “piko-piko” jolasarekin aritu gara.