LEZOKO IKASTOLAKO GURASOEN BILERA, OSTEGUNEAN

2021/11/08

Hilaren 11n, osteguna, 18:30ean batzarra deitu dute Lezoko Ikastolako guraso taldeko sustatzaileek. Hain zuzen ere, Lezoko Ikastolan elkartzeko deia egin diete herriko guraso guztiei, elkarlanean aritzeko. Hainbat lan-batzorde izendatu dituzte jada eta mailaka antolatzen ari dira. Edonork parte hartu dezakeela gogorazi dute. Ikasturte honetan burutuko dituzten lanen artean hauexek dituzte helburu: Gabonetako Liburu Azoka, Hator hator kantatzera, Trapujaleren jaitsiera eta larunbatgorriko kalejira, eta Kilometroetako material salmenta.

ETENGABEKO FORMAKUNTZA, GURE MARKA

2021/11/04

Lizeoko Orientazio Departamentuak, mailaz maila, irakasleentzako formazioa saioak antolatu ditu ikasturte hasiera honetan. Hezkuntza eta zaintza emozionalean sakontzen aritu da gure lan-taldea hori baita, zaintza emozionala, gure ikastolaren oinarria.

Haur Hezkuntzako lehenengo eta bigarren zikloko irakasleak “Mindfullnes eta emozioen zaintzaren etika hezkuntzan” gaia landu dute hainbat saioetan Arnasent taldeko Naiara Gorroño eta Nerea Garciaren gidaritzapean.

AURTEN HENDAIATIK DATOR TXOKOLATEA

2021/11/03

Txokolatezko abenduko egutegiak eskatzeko aukera zabaldu dugu Lizeoaren bitartez. Hendaiako Ikastolako gurasoek bertako egoera ekonomiko larria arintzeko egiten duten ekimena da honakoa. Abenduko egun bakoitzak, hilaren 24a arte, badu bere txokolatezko pieza, eta egun batzuetan baita bina ere. Egin hemen zure eskaera eta lagundu Hendaiako Ikastola.

EUSKAL ESKULTORE HANDIEN ARRASTOAN

2021/11/02

LH4ko ikasleek iaz egiterik ezin izan zuten txango bat egin dute urria hasierako eguraldia lagun. Donostian ibili dira Basterretxea, Oteiza eta Txillidaren lanak bertatik bertara ikusten eta bide batez hutsaren kontzeptuaren inguruan hausnartzen. Gelan ere gaia lantzen aritu dira. Donostiako hiru hondartzen inguruan ibili direnez haiek zapaltzeko aukera ez dute alferrik galdu.

GAU BELTZA LIZEORA IRITSI DA [BIDEOA]

2021/10/29

Ikasleak ari dira ohitura zaharrak berreskuratzeko lanetan. Bideo honetan entsegu bateko irudiak jaso ditugu.

"GAU BELTZA" IPUINA AURKEZTU DIGU EDURNE MITXEOK

2021/10/29

Duela urtebete, Gau Beltzarekin bat, argitaratu zuen Edune Mitxeo irundar-lezoarrak “Gau beltza” bere lehen ipuina. Aurten, Lizeoko eraikin nagusiko liburutegira bisita egin du, liburuko hainbat pertsonaiaren laguntzarekin. Hain zuzen, Gau Beltzean oinarritutako ipuina erakusten aritu da Mitxeo gure ikasleei. Kepa Etxebarria errenteria-oreretarraren ilustrazioak jasotzen ditu ipuinean heriotzaren inguruko gogoeta egiten da.

KLIMA-ALDAKETAN ERAGITEN JOKOAREN BITARTEZ

2021/10/28

DBH 2koak Emaús fundazioaren egoitzan izan dira ScapeKlima jokoan parte hartzen. Aldaketa klimatikoa da ihesbide-joko honen gaia, CO2 gas emisioen dezelerazioan eragitea da jolasaren helburua, hain zuzen ere. Ikasleek klima-aldaketaren inguruko galderak eta erronkak gainditu behar dituzte jokoa gainditu ahal izateko.

Aldundiko ingurumeneko departamentuak, Emaús Gizarte Fundazioak eta Kutxa Ekoguneak atondu dute ScapeKlima izeneko ihesbide-joko hau.

ESKATU LIZEOAN ERRIGORAKO SASKIAK

2021/10/25

Aurten ere Errigorako saskiak nahi izanez gero azaroaren 8a arte izango dugu zabalik eskaera egiteko aukera Lizeoaren bitartez. https://docs.google.com/.../1FAIpQLScKISTFyrJXXq.../viewform

321 IKASKE EGUERDITAKO EKINTZETAN

2021/10/21

Lehen Hezkuntzako ikasleek aurten bai, aurten badute eguerditako ekintzetan parte hartzeko aukera. Denera 321 ikasle ari dira zazpi ekintza desberdinetan: Musika, marrazketa, robotika, xakea, antzerkia, ohial artelanak eta ingelesa. Marrazketan zazpi talde osatu ditugu, robotikan beste horrenbeste, xakean lau, antzerkian eta oihal artelanetan bosna eta ingelesean hiru. Musika ere entzuten da gure pasilloetan, panderoa, biolina eta abar.

MAREN GALVEZ, EUSKAL HERRIKO DANTZARI ONENA

2021/10/20

Maren Galvez Garmendia Dantzaria

Lizeoko ikasle Maren Galvez Garmendia izan da Seguran jokatu den Euskal Herriko Dantza Sueltoko Txapelketako 45.edizioko irabazlea Gorka Granado bikote zuela. Lezoko Murixkako dantzariaren hitzak jaso ditugu, pozik dago lortutako emaitzarekin eta datorren urtean berriz ere garaipena lortzen saiatuko dela aitortu digu.

Orriak

-era harpidetu