|
DBH 4KO IKASLEAK, SORKUNTZAZ ETA LITERATURAZ DONIBANEKO LIBURUTEGIAN
2018/06/20  Joan den hilaren 11n, Donibaneko liburutegi berrian izan ziren DBH 4ko ikasleak. Aretoa ezagutu eta bisitatzeaz gain, literatur saioa burutu zuten Oier Guillan idazle oreretarrarekin. Hainbat liburu aztertu zituzten, haien inguruan hausnartu, eta datorren ikasturteari begirako irakurgaiak hautatu. Irakurzaletasuna sustatzeko Pasaiako Udalak antolaturiko ekimena izan zen. |
|
EUSKARALDIA AURKEZTEKO ETA PRESTATZEKO BILERAK BARRUTIETAN
2018/05/22  Datozen egunetan Euskaraldia prestatzeko bilera irekiak egingo dira Pasaiako lau barrutietan. Asteazken honetan, adibidez, Trintxerperen txanda izango da. Azkena, berriz, Donibanerena, hilaren 31n. Honatx hitzorduen egunak, orduak eta lekuak: -Trintxerpe: maiatzaren 23an, 18:30ean Alkateordetzan. - San Pedro: maiatzaren 24an, 18:00etan, Udal Aretoan (Erti). - Antxo: maiatzaren 29an, 19:00etan, Kultur Etxean. - Donibane: maiatzaren 31n, 19:30ean, Kulturgunean. |
|
ERREFERENTE EUSKALDUNAK KIROLEAN
2018/05/07  Pasaia osorik bizitzeko kanpainaren baitan, gure barrutietako haurrek saio bereziez gozatzeko aukera izan dute eskola orduz kanpoko jardueretan. Izan ere, Pasaiako Udalak haur eta nerabeekin aritzen diren herriko elkarteen lan saioetara kirolari erreferente euskaldunen bisitak antolatu ditu hiruhileko honetan. |
|
Kontzertua Lezoko 3 urtekoen gelan
2018/05/07  Bremengo musikariekin bueltaka ari garen honetan, Lezoko ikastolako Ttanttoren gelakoei beren musika emanalditxoa egitea bururatu zitzaien. Eta esan eta egin. Horretarako oso jatorra den aitatxo baten laguntza izan zuten. Berak biola jo zuen, ikasleak beste instrumentu batzuez baliatzen ziren bitartean. Ikastolako gertuko lagunak, berriz, kontzertutxoa entzuten izan ziren. Oso ondo pasatu zuten guztiek. |
|
Lizeo Eguneko argazkiak
2018/04/27  |
|
LH3 antzerkian
2018/04/24  Opor buelta ederki hasi genuen LH3koek eta Egian Vuelos antzerki lan zoragarria ikusteko parada izan genuen. Eguraldiak lagundu ez bazuen ere antzezlana ikusi eta Tabakalera eraikinean ere izan ginen. Goiz pasa ederra. |
|
Iraganaren puzzlea DBH 1 - LH 1
2018/04/23  DBH 1 mailako ikasleek, gizarte arloan gure arbasoak nola bizi ziren ikasi dute 2. ebaluazioan. |
|
EMOZIOEN FESTA IZAN DA AURTENGO LIZEO EGUNA
2018/04/23  Giro paregabean ospatu genuen atzo, apirilak 22, 2018ko Lizeo Eguna. Emozioen dantza izena zuen aurtengo ekitaldiak eta, musika eta koloreak lagun, emanaldi ikusgarria bezain zirraragarria eskaini ziguten HH, LH eta DBHko ikasleek: poza, tristura, beldurra edota nazka bezalako emozioak maisuki irudikatu zituzten. Hunkigarria izan zen, halaber, agurren txanda. Batxilergoko 2. mailako ikasleak, 1982ko ikasleen promozioa eta erretiroa hartuko duten langileak izan ziren omenduak. Giroak goia jo zuen orduan, eta emozioen festa bihurtu zen jaialdia. |
|
IKASLE HERBEHERETARRAK, GURE ARTEAN
2018/04/13  Atzodanik, hilak 12, Herbehereetako 18 ikasle daude Lizeoko Batxilergoko lehenengo mailako beste hainbeste ikasleren etxeetan. Astebete emango dute gurean, datorren ostegunera arte, Lizeoak Roermond hiriko Bisschoppelijk College Broekhin institutoarekin elkarlanean antolaturiko Eskola Trukearen 14. aldiaren baitan. |
|
DBH 4KO IKASLE TALDE BAT, TABAKALERAN
2018/03/21  DBH 4ko Adierazpen Tailerreko ikasleak Donostiako Tabakaleran izan ziren iragan astean, klasean egiten ari diren proiektu baten baitan. Izan ere, proiektu horri begira, edizio eta grabazio teknikak ikasi zituzten Tabakaleran. Bisita emankorra izan zen, ezbairik gabe. |
Orriak
.png)
