EMOZIOEN FESTA IZAN DA AURTENGO LIZEO EGUNA

2018/04/23

Giro paregabean ospatu genuen atzo, apirilak 22, 2018ko Lizeo Eguna. Emozioen dantza izena zuen aurtengo ekitaldiak eta, musika eta koloreak lagun, emanaldi ikusgarria bezain zirraragarria eskaini ziguten HH, LH eta DBHko ikasleek: poza, tristura, beldurra edota nazka bezalako emozioak maisuki irudikatu zituzten.

Hunkigarria izan zen, halaber, agurren txanda. Batxilergoko 2. mailako ikasleak, 1982ko ikasleen promozioa eta erretiroa hartuko duten langileak izan ziren omenduak. Giroak goia jo zuen orduan, eta emozioen festa bihurtu zen jaialdia.
IKASLE HERBEHERETARRAK, GURE ARTEAN

2018/04/13

   Atzodanik, hilak 12, Herbehereetako 18 ikasle daude Lizeoko Batxilergoko lehenengo mailako beste hainbeste ikasleren etxeetan. Astebete emango dute gurean, datorren ostegunera arte, Lizeoak Roermond hiriko Bisschoppelijk College Broekhin institutoarekin elkarlanean antolaturiko Eskola Trukearen 14. aldiaren baitan.
DBH 4KO IKASLE TALDE BAT, TABAKALERAN

2018/03/21

DBH 4ko Adierazpen Tailerreko ikasleak Donostiako Tabakaleran izan ziren iragan astean, klasean egiten ari diren proiektu baten baitan. Izan ere, proiektu horri begira, edizio eta grabazio teknikak ikasi zituzten Tabakaleran. Bisita emankorra izan zen, ezbairik gabe.
EUSKARALDIA PASAIARA!

2018/03/14

Lerro hauen bidez Pasaiako Euskararen Aholku Batzordean landu dugun gonbidapentxo bat zabaldu nahi dizuegu. Euskaraldia gure herrian antolatzen hasteko gonbita, hain zuzen ere.
Dory Lansorenaren ipuin kontaketa 3.mailan

2018/02/28

Aste honetan Dory Lansorena idazlea 3.mailan gurekin izan dugu. Doryk ipuin bat sortu du eta berau aurkeztu eta kontatzen izan dugu gurekin. Ipuinaren izenburua "Luna viaja a mundoletras, un lugar lleno de magia" izan da eta dislexia duen neska du protagonista. Opari ederra eskaini digu gainera egileak, ipuinaren ilustrazioak 3. mailako ikasleek egingo baitituzte. Hona hemen ipuin kontaketa egunaren eta marrazkien sortze prozesuaren irudi batzuk.
JASONE OSORO IDAZLEAREN BISITA

2018/02/20

Aste honetan, hilaren 14an, Jasone Osoro idazlearen bisita izan dute DBHko bigarren mailako ikasleek, Euskal Idazleen Elkarteak sustaturiko Idazleak Ikastetxetan programa baitan, eta Pasaiako Udalaren laguntzaz. Izan ere, ikasleek idazle honen Ezekiel eta Eskularru beltzak eleberrien irakurketa eta lanketa egin dute. Beraz, saiora galderak prestatuta joan zitzaizkion ikasleak, eta nobelen nondik norakoak miatu ahal izan zituzten, egilearen beraren eskutik. Baina, horrez gain, inspirazioaz ere hitz egin zien Osorok, sormenaz, sortze prozesuez eta abar. 
ONDO PASA HERBEHEREETAN!

2018/01/26

Bai. Iritsi da eguna. Eguraldi grisa gurean, baina kirioak dantzan eta irri zabala haien bisaietan. Lizeoko Batxilergoko lehenengo mailako...
LH3k 2 urteko gelak bisitatu ditu Kulunkan proeiktuarekin

2018/01/18

3 mailako ikasleak, beren barrutietako txikiei bisita egitera joan dira Kulunkan proektuaren barruan. Ikasleak barrutika banaturik, Donibane, Lezo, Antxo edota San Pedroko bi urteko geletara joan gara bertako haurrekin lehen harremana egitera. Oparitxoa txikiak eraman dizkiegu eta euskaraz harremandu eta jolasteko lehen urratsak eman ditugu. Ondoren hamaiketakoa ere egin dugu elkarrekin. Primeran ibili gara eta ia aurrerantzean ere, herrian elkar ikusitakoan euskaraz eraiki dugun harreman horri eusten diogun. 
LIZEOARI AITORTZA PASAIAKO KIROL GALAN

2018/01/18

Pasaiako Udalak aipamen berezia egin zion Lizeoari azkeneko 25 urte hauetan Eskola Kirolaren bitartez kirola sustatzeko egindako lanagatik.
Batxilergoko 2. maila: OIASSO MUSEOARI BISITA

2018/01/16

Iragan ostiralean, hilak 12, Batxilergoko 2. Mailan Artearen Historia irakasgaia ikasten duten ikasleak Irunen izan ziren, irakasle baten laguntzarekin.

Orriak

-era harpidetu