🎥 Lizeoko Lehenengo Soziolinguistika Jardunaldiaren laburpena ikusgai!
Ikusi Batxilergoko lehenengo mailako ikasleek egindako ikerketa zientifikoa jendaurrean aurkeztu zutenekoa. Taldeka, ikastolan eta herriko hainbat gunetan euskararen erabilera neurtu eta esku-hartzeak egin zituzten: jolastokian, jangelan, entrenamenduetan… Ondoren “poster zientifikoak” garatu eta jardunaldian aurkeztu zituzten.
Zientziaren Oinarriak ikasgai berrian oinarrituta, Soziolinguistika Klusterreko lanabesekin eta metodo zientifikoa erabilita garatu dute proiektua. Ondorioak, gainera, baikorrak: jolasak, musika, hezitzaile euskaldunak eta ohitura aldaketak erabilita, erabilera indizeak handitu egiten dira.
Ikusi jardunaldiaren bideo laburpena eta entzun Nekane Artola, Pasaia-Lezo Lizeoko eta Ikastolen Elkarteko lehendakariaren eta Xabi Lasa, Ikastolen Elkarteko hizkuntza egitasmoen arduradunaren iritziak. Gainera, Aitor Salaberria eta Olatz Salaberria irakasleek proiektuaren nondik norakoak azalduko dizkigute.
