Skip to main content

ONDO PASA HERBEHEREETAN!

Bai. Iritsi da eguna. Eguraldi grisa gurean, baina kirioak dantzan eta irri zabala haien bisaietan. Lizeoko Batxilergoko lehenengo mailako 18 ikasle eta bi irakasle Herbehereetara abiatu dira gaur, urtarrilak 25, Roermond hiriko Bisschoppelijk College Broekhin institutuarekin elkarlanean antolaturiko Eskola Trukearen baitan.

Gure ikastolaren proiektu izarretakoa dugu Eskola Trukea, dakizuen bezala. 14. aldia du ikasturte honetan, eta, ohi den moduan, gure ikasleek ikaskide herbeheretarren etxeetan egokitu eta programa sakona burutzen dute, ekimen desberdinez osaturikoa: hala nola, eskolak ingelesez eman eta jaso, txangoak, irteerak, bisitak edota nederlandarren bizimodua ezagutzeko ekintzak.

Roermond ez ezik, Maastricht edota Belgikako Maaseik bezalako hiriak bisitatu dituzte gure ikasleek. Margraten, berriz, amerikarren guda kanposantua bisitatuko dute, eta Anne Franken etxea Amsterdamen.

Egonaldiak, ohi bezala, astebete iraungo du, eta egunez egun jarraitu ahalko da Eskola Trukearen blogean, gure ikasleek idatziriko kronikei esker: www.eskolatrukealizeoa.wordpress.comEz galdu aukera!

Azken albisteak

Hedatze programaren baitan, DBHko “Ongi Etorri” taldeko ikasleak Donibanen barrena ibilbide ederra osatzen aritu dira gure ikastolara iritsi berri diren ikasleekin batera.
Lezoko Errota Guraso Taldeak "Heldu Euskarari" egitasmoko bideo berri bat aurkeztu du, eta oraingoan Lizeoko bi langile dira protagonista: Eva eta Nagore.
Aurten, lehen aldiz, ekimenak eskatzen duen gutxieneko adinera iritsi direnez, Batxilergoko lehen mailako ikasleek Euskaraldian parte hartu ahal izango dute, eta Pasaiako Euskaraldiaren koordinatzailea Lizeoan izan dugu ek