Irail Lartzanguren Batxilergoko 1. mailako gure ikasleak aipamen berezia jaso du Urruzuno Gehituz literatura lehiaketan, Elurraren justizia lanari esker. A gazteak arloan izan da, prosa atalean, eta sari gisa idazle batekin bost eguneko egonaldian parte hartzeko aukera irabazi du.
Bitxikeria moduan, Lartzangurenen lan bera saritua izan da aurtengo Lizeoko Trastamintxo literatura lehiaketan ere, Batxilergoko ikasleen atalean. Kaleratu berri dugun Txanpa literarioan irakur daiteke narrazioa, hain justu. Irakurri eta gozatu, merezi baitu!
Eta gure zorionik beroenak zuretzat, Irail. Segi horrela!
