Eguerdietako ekintzen artean antzerkia egiten duten LH 6. mailako ikasleek jazarpenaren gaia landu dute antzezlan batean. Prestatutako lana ikaskideen aurrean antzeztu dute eta jarraian, ikaskideekin, solasaldi bat antolatu dute dute jazarpenaz, bazterketaz eta bullying-az aritzeko.
"Zapalduaren antzerkia" izeneko teknika erabili dute antzezlanaren sortze prozesuan, hala, zapaltzaile bat, pertsona zapaldu bat eta gizartea/lagunak dira protagonistak. Antzezlanaren bukaerak ez du amaiera alaia eta, hori aprobetxatuz, aktoreek ikaskideekin solasaldia egin dute antzezlanean ikusitakoa nola saihestu aztertzeko.
Antzerki taldekoentzako esperientzia oso aberasgarria izan da, bai sortze prozesuan eta baita ikaskideekin egindako solasaldietan ere hausnarketa sakonak egin dituzte eta.
