Ingurunean haizearen gaiarekin lanean ari dira LH3koak eta eguraldi bikainak lagunduta Donostian ditugun eskultore famatuen lan esanguratsuak ikustera gerturatu dira. Vitoria Eugeniatik abiatu eta San Telmo museora hurreratu dira lehena. Bertatik Urgull mendira igo eta Pasealeku Berrian dagoen Jorge Oteizaren "Eraikuntza hutsa"-ren ondoan hamaiketakoa jan dute. Ondoren, Kontxako hondartzatik hasi eta Ondarreta guztia gurutzatu dute, Eduardo Txillidaren "Haizearen orrazia"-ra iritsi arte. Bidean Fleming ikertzailearen omenez Oteizak egindako eskultura ikusteko aukera ere izan dute. "Haizearen orrazia"-ren eskultura marrazten aritu dira, hori bai hori artelana ere gurea!
Jarraian, Ondarretan bazkaltzeko eta bainu bat hartzeko aukera ere izan dute. Gozatu eta ikasi, hori bai plan ederra!
