DBH lehenengo mailako ikasleek elikagai bilketa solidarioa antolatu dute
Ikasleek Kaleko Afari Solidarioak (KAS) boluntarioei laguntzeko elikagai bilketa martxan jarri zuten otsailaren 14a bitarte. Lizeoko familia, ikasle eta irakasle guztiak parte hartzera gonbidatu zituzten, eta gelaz gela aurkeztu zuten beren ekimena (argazkietan geletan egindako aurkezpenak ikus daitezke).
Proiektu Komunitario arloko klase batean, Agus Rodriguez, KAS elkarteko boluntarioetako bat, ikasleekin izan zen. Agusek azaldu zien urteko 365 gauetan Donostiako kalean bizi diren 200 bat etxegaberi afari bero bat eskaintzea dutela helburu. Lau urtez aritu dira lanean borondatez, inolako diru laguntzarik gabe, eta beren etxeetan edo elkarteetan prestatzen dituzte afariak.
Kaleko Afari Solidarioetako kideek pasa den otsailaren 5ean lehenengo jaki sorta eraman zuten. Hortik aurrera jasotako janaria ere laster eramango dute banatu ahal izateko.
Hauxe otsailaren 5a bitarte jasotako janaria kopurua:
Babarrunak: 27,5 kg
Esnea: 44 litro
Garbantzuak: 34 kg
Arroza: 89,5 kg
Dilistak: 76,5 kg
Pasta: 102,8 kg
