Lezoko Errota Guraso Taldeak Heldu Euskarari proiektuko bosgarren bideoa aurkezten du. Oraingoan, Lizeoko DBHko Euskara Taldeko gazteak euskararen egoeraz aritu zaizkigu beren ikuspegia eta esperientziak partekatuz.
Lizeoan bertan sortu zen Euskara Taldea, euskarari bultzada bat emateko helburuarekin. Ikasturtean zehar hainbat ekimen antolatzen dituzte, hala nola, laster ospatuko dugun Trastamintxo ipuin, olerki eta marrazki lehiaketako sari banaketa edota Euskararen egunaren bueltan antolatzen duten Euskaraokea, besteak beste. Horrez gain, taldeko kideek formazio saio bereziak jasotzen dituzte, euskararen normalkuntzan eragile aktibo bihurtzeko.
Heldu Euskarari proiektuaren bidez, Lizeoko komunitateko kideen bizipenak jasotzen dira, euskararen aldeko kontzientzia indartzeko eta guztion artean bultzada bat emateko. Elkarrekin, euskararen presentzia eta erabilera sustatzen jarraituko dugu!
