Familietan hizkuntza ohituretan eragiteaz gain herriko parkeetan ere gure hondar aletxoa jarri nahi dugu.
Horregatik, hirugarren mailako ikasleak Lizeoko goiko eraikinetik “herrietako” Lilitegietara jaitsi dira, elkar ezagutzeko asmoz. Aurten, lehen aldiz, Trintxerpeko Udal Lilitegira ere joan dira.
Opariak banatu, hamaiketakoa partekatu eta festa giroan ibili dira elkarrekin, norbera bere Kulunkan-lagunarekin.
Jakin, bisita honek helburu argia daukala: Lilitegietako txikienek ezagutzea parkeetan bere inguruan jolasten ariko diren 8-9 urteko lagunak, eta batez ere jakitea haiekin euskaraz aritu daitezkeela.
Gogoratu! KULUNKAN hizkuntza ohituretan euskararen aldeko aldaketak sustatzeko egitasmoa da, pausoz pauso, beti aurrera: euskararen herria, munduko harribitxia!
