Goiza bete-betea izan dute DBH3ko ikasleek! Lehenik, Amets Arzallusekin solasaldi interesgarri batean murgildu dira “Miñan” liburuaren inguruan, Ibrahima Balderen bizitzaren kronika jasotzen duen kontakizun hunkigarrian sakonduz.
Ondoren, Juanbara jaitsi dira, eta Pasaiako Udalari esker, Artedramakoak zain zituzten "Miñan" antzezlana eskaintzeko prest. Zirraraz eta hausnarketaz betetako emanaldia izan da. Bukatzean, aktoreekin solasaldia izan dute, eta, nola ez, mokadutxo batez gozatzeko aukera ere bai.
Ekimen hau Proiektu Komunitarioak ikasgaian "Migranteak eta arrazakeria Euskal Herrian" gaia lantzen aritu diren DBH3ko ikasleentzako prestatu dugu, eta esperientzia honek hausnarketa sakonerako bide ematen du. Gainera, DBH1eko ikasleek Kaleko Afari Solidarioak herri-ekimenarekin Lizeoan egin duten lanketarekin erabat uztartzen da, ikasitakoa beste ikuspegi batetik aberastuz.
Halaber, DBH3ko ikasleek pasa den otsailaren 4an Baionara egindako txangoan ginkana batean parte hartu zuten. Ginkana hartako irabazleek Amets Arzallusek ekarritako sari berezia jaso dute: "Baxoa euskaraz" kamiseta bana. Zorionak irabazleei!
