Irudia
Seigarren mailako ikasleak idazmenak nola aberastu ikasten aritu dira bigarren ebaluazioan. Lanketari amaiera emateko eta ikasitakoa praktikan jarriz, oparitzeko moduko ipuin berezi bana idatzi dute.
Baina ez edozein ipuin!
Gelan, ezkutuko zozketa egin zuten "lagun ezkutuan" bezalaxe. Gero, lagun horretan pentsatuz —nolakoa den, zer gustatzen zaion...— ikasle bakoitzak ipuin bat idatzi zuen. Idazlanak zuzenduta eta txukun idatzi ondoren, pertsonaia nagusiaren marrazkiak egin eta portada koloretsua sortu zuen ikasle bakoitzak.
Azkenik, ipuinak opari paperetan bilduta jaso eta emateko unea iritsi zen. Jasotako opariaren ilusioa eta ematearen poza paregabeak izan ziren!
