Skip to main content

Erleen munduan murgilduta!

Irudia
-

Haur Hezkuntzako bost urteko ikasleek bisita berezia jaso dute aste honetan: Bidatz Sasiain, Tolosako Osabi Naturala elkarteko erlezaina, ikastola txikietara etorri zaigu erleen inguruko altxor guztiak partekatzera.

Saioan zehar ikasleek jakin-min handiz entzun dituzte erleen bizimoduari eta erlezaintzari buruzko azalpenak: nola bizi diren, zer lan egiten duten eta nola ekoizten duten ezti gozoa. Ezti mota desberdinak dastatzeko aukera ere izan dute, eta amaitzeko, erle argizariarekin egindako kandela polit bana sortu dute. Eta, sorpresa! Erleak ere bertan izan dira!

Eskerrik asko Bidatz eta Osabi Naturala elkarteari, gure txikiei naturaren magia eta balioa gertutik ezagutarazteagatik. 

Azken albisteak

Ikasturteko azkeneko egunean agurr
Ikastolen Elkarteak sortutako Arituz ataria berrituta dator!
Azken egunotan bisita ederra jaso dugu Lizeoan: Baigorriko Ikastolako 6 eta 10 urte bitarteko 34 ikasle eta 4 irakasle gurean izan dira asteazkenetik ostiralera, Pasaian egonaldia egiten.