Parketarrak egitasmoa itzuli da!

Bokalek eta Pasaiako Udalak antolatuta eta pasa den ikasturteko arrakasta ikusi ondotik Parketarrak egitasmoa bueltan dugu. 3 urtetik 5 urte arteko haurrak eta haien gurasoak zaudete gonbidatuta.

Irailaren 29an hasi eta urriaren 23ra bitarte Pasaiako barrutietan elkartuko gara, Hezten Aisialdi Taldeak dinamizatuta, euskaraz jolas egiteko.

🌱 Helburua familien artean euskarazko transmisioa indartzea da, parkeetan eta plazetan elkartuz, jolastuz eta ondo pasatuz. Saioak doakoak dira, ordubetekoak eta ez da aurrez izena eman behar.

📅 Egutegia:

✅ Donibane. Astelehenetan (17:00): Irailak 29 eta urriak 6, 13 eta 20

✅ Antxo. Astearteetan (17:30): Irailak 30 eta urriak 7, 14 eta 21

✅ San Pedro. Asteazkenetan (17:30): Urriak 1, 8, 15 eta 22

✅ Trintxerpe. Ostegunetan (17:30): Urriak 2, 9, 16 eta 23

Guraso eta seme-alaba, zatozte Parketarrak-ekin euskaraz jolastera!