Balio etikoetatik, Palestinara begira

DBH 1eko ikasleek Balio Etikoak ikasgaian Palestinako egoeraren inguruan hausnartu dute, gertatzen ari den errealitatea ulertzeko eta norberaren emozioak lantzeko helburuarekin.

Ikasgelan bideoak ikusi dituzte, etxean eta kalean entzundakoa partekatu, eta hortik abiatuta, sentimenduak eta emozioak identifikatzen aritu dira: beldurra, haserrea, lotsa (inork ezer egiten ez duelako), amorrua…

Ondoren, emozio horiek koloreen eta esaldien bidez muraletan islatu dituzte, eta horrela sortu dituzte argazkietan ikus daitezkeen artelan indartsuak. 

Hezkuntzatik ere, bakearen, enpatiaren eta justiziaren aldeko jarrera aktiboa lantzen dugu. 💚