Hamaika Telebistak Errotaren Lezoko mapa jaso du erreportaje batean

Hamaika Telebistak pieza eder bat egin du Errota Guraso Taldetik sortu den “Haurrentzako koloreztatzeko Lezoko mapa” aurkezteko.


Proiektu ederra izan da eta Lizeoaren eta Lezoko Udalaren laguntzarekin gauzatua da. Bideoan, gure komunitateko kide den Itziar Salaberria ageri zaigu maparen inguruko azalpenak ematen.
Mapan Lezoko eraikinak, pertsonaiak, natur guneak, errekak, leku bereziak,… ageri dira; guztiek dute zenbaki bana, eta maparen atzealdean azalpen luzeago bat dator jasota.

Ikusi Hamaika Telebistak egin duen bideoa eta gozatu Lezo beste modu batez!