Irudia
Lehen Hezkuntzako 6. mailako ikasleek bisita egin diete Haur Hezkuntzako 5 urteko geletakoei, pasa den ikasturtean gelan sortu zituzten ipuinak aurkezteko eta txikienekin partekatzeko. Taldeka antolatuta, gela bana ikastola banara joan da: 6A Lezora, 6B Antxora, 6C San Pedrora eta 6D Donibanera.
Bisitan ikasleek sortutako ipuinak kontatu eta gelan utzi dituzte opari, HHko txikiek nahi dutenean irakurri eta gozatzeko. Oso aldarte onean eta giro atseginean aritu dira, elkarren arteko harremanak sendotuz eta irakurzaletasuna sustatuz.
Datorren urtean ipuin berriekin itzuliko direla aurreratu dute. Sortzeko gogoa eta irudimena ez dira falta!
