Aurten ere, NI=ZU kontzientziazio kanpainaren barruan, Lehen Hezkuntzako 5. mailako ikasleek Errenteria-Oreretako Gureak enpresa bisitatu dute, bertako errealitatea lehen eskutik ezagutzeko.
Bisita honen bidez, ikasleek desgaitasun intelektualaren errealitatea gertutik ezagutzeko aukera izan dute, aniztasuna aberastasun gisa ulertuz eta errespetuan, elkartasunean eta bizikidetza positiboan oinarritutako balioak landuz.
Horrelako esperientziek aukera ematen dute:
Aurreiritziak apurtzeko,
Pertsona guztien gaitasunak balioan jartzeko, bereziki lan-gaitasunei dagokienez,
Eta ikasleen ikuspegia eraldatzeko, gizarte bidezkoago eta inklusiboago baten alde.
Hezkuntzatik ere gizarte eraldaketa sustatzea ezinbestekoa dela sinetsita, horrelako ekimenek zentzu berezia dute gure egunerokoan.
Eskerrik asko Gureak-eko lantaldeari harreragatik eta emandako azalpenengatik.
