Irudia
Lehen Hezkuntzako 6. mailako ikasleek solasaldi berezia egin dute Joseba Larratxe “Josevisky” ilustratzailearekin Donibaneko Juanba Berasategi aretoan.
Ikasleak Argixorgin liburua irakurtzen ari dira, Esti Vivancok idatzia eta Joseviskyk ilustratua, eta izugarrizko pribilegioa izan da marrazkilaria bertatik bertara ezagutzea.
Solasaldian zehar, Argixorgin lanaren atzean dauden xehetasunak ezagutzeaz gain, ilustratzailearen lanbidearen inguruko hainbat sekretu partekatu ditu: sormen prozesua, ideiak nola sortzen diren eta marrazki bakoitzaren atzean dagoen lana.
Ekimen hau Euskal Idazleen Elkarteak eta Bokale Pasaiako Euskara Batzordeak sustatu dute, Pasaiako Udalaren laguntzarekin.
