Lehen Hezkuntzako 1. mailako ikasleak Lezo ezagutzen aritu dira, Erronkan lantzen ari diren gaia aitzakia hartuta. Kalez kale ibili dira herriko gune eta eraikin esanguratsuak bisitatzen: liburutegia, kiroldegia, musika eskola, baratzak… eta baita udaletxea ere.
Udaletxean Mikel Arruti alkatearekin eta Miren Ormazabal zinegotziarekin elkartzeko aukera izan dute. Pleno aretoan zeudela, Elias Salaberria margolari ospetsuaren koadro bat ikusi dute, eta balkoira ere atera dira herria beste ikuspegi batetik ezagutzeko.
Bisita borobiltzeko, Tomas Garbizu musikagile ezagunaren izena daraman musika eskola ere gertutik ezagutu dute.
Esperientzia aberasgarria izan da, herria hobeto ezagutzeko, ingurunearekin loturak sendotzeko eta komunitatearen parte sentitzeko.
Primeran ibili dira!
