Irudia
Antxoko Txinparta guraso taldeak Auzolana 2.0 ekimena antolatu du, eta goiz pasa ederra izan da, festa eta aldarrikapena uztartuz.
Egitarau polita antolatu dute eta giro paregabea sortu da: ikastolako sarrerako horma margotu dute 50. urteurrenari begira, oroitzapenen txokoa sortu dute, umeentzako jolasak eta ginkana egin dira, baita bigarren eskuko tonbola, janari eta edari guneak ere. Gainera, gurasoek omenaldia egin diete Antxoko ikastolako langileei.
Ospakizunaz gain, aldarrikapenerako tartea ere izan da, jolastokian aurkitzen dituzten trabak aipatuz eta eremua zaintzea guztion ardura dela azpimarratuz. Zaindu dezagun jolas eremua denon artean!
Jarraian, Unai Huiziren argazki sorta ederra duzue ikusgai, gozatu!
