Iritsi da unea! Ekainaren 6an ospatuko dugu urteurreneko jaialdi nagusia, Pasai Antxon bilduko baita Lizeoko hezkuntza komunitatea.
Makina bat ekintza jarri ditu batzordeak martxan: haurrentzako ekintzak, ekitaldi nagusia, bazkaria, kantaldia, elektrotxaranga… Egitarau oparoa, aspaldi ikusi gabeko jendearekin egoteko.
Zuengandik hasi dugu jaialdiaren zabalpena, baina urrunago joan nahi dugu. Ikastolako ikasle ohiak, guraso ohiak, langile ohiak, ikastolaren bueltan laguntzen aritutakoak… guztiengana heldu nahi dugu. Horregatik, mezua eta kartela zabaltzeko eskatu nahi dizuegu.
Hala ere, datozen egunetan joango gara informazio gehiago ematen: bazkariko txartelak, urteurreneko arropa eskaera… Lizeoaren urteurreneko webgunea prestatzen ari gara horretarako.
Ospakizunaren egun handirako prest? Plazara, euskara, plazara… hasi eztarriak berotzen…
