Rap-a eta hip hop-a gertutik

DBH3ko ikasleek, Musikariak Ikastetxean programaren baitan, Odei Barroso rapero urruñarra gonbidatu dute aurten ikastolara.

Saioan zehar, raparen eta hip hoparen inguruko hainbat azalpen eta gogoeta partekatu ditu ikasleekin: sormen prozesua, errimak sortzeko moduak, kantuen mezuak eta musikak adierazteko duen indarra landu dituzte elkarrekin.

Gainera, amaieran, ikasleek barrak sortzeko aukera izan dute, Odei Barrosoren laguntzarekin eta elkarlanean arituz. Sormena, hitzak eta erritmoa uztartu dituzte giro paregabean.

Musika, hitza eta sormena lehen lerroan!