“Perutxo kanpora, soldaduak zulora!”

Goiz nahasia eta zirraragarria bizi izan dute gaur Lezoko ikastolako ikasleek.

Zabarre pirataren eskifaia eta Maria Labaien sagardogilea ikastolan izan dira, txokolatezko txanponak, irribarreak eta festa giroa banatzen 

Baina lasaitasunak gutxi iraun du…
Izan ere, Perutxo, Napoleonen soldaduen burua, ikastolara iritsi da Maria Labaien atxilotzeko asmoz.

Hor hasi da benetako abentura! 

Zabarrek eta gainontzeko piratek aurre egin diete Frantziako soldaduei, eta gure ikasleek ere berehala aukeratu dute zein aldetan egon nahi zuten. Oihu bakarra entzun da bazter guztietan: “Perutxo kanpora, soldaduak zulora!”

Elkartasuna, ausardia eta parte-hartzea izan dira goizeko protagonistak, eta, azkenean, piratek garaipena lortu dute.