DBH3ko Biologia eta Geologiako ikasleak Itsas Hondakinen Erronkan parte hartzen ari dira ebaluazio honetan, Mater-ekin elkarlanean. Egitasmoaren helburua da ikasleen artean itsas ingurumenaren zaintzaren inguruko kontzientzia sustatzea eta hondakinek itsasoetan duten eraginaz hausnartzea.
Proiektuaren baitan, ikasle talde batek LH5eko ikasleentzat birziklapen tailer bat antolatu zuen. Jarduera honen bidez, gaztetxoei berrerabilpenaren eta birziklapenaren garrantzia erakutsi zieten, material arrunt bati bigarren bizitza emateko aukera eskainiz.
Tailerrean, tetrabrikekin karterak sortu zituzten, sormena eta jasangarritasuna uztartuz.
Esperientzia aberasgarria izan zen parte-hartzaile guztientzat, ingurumenarekiko kontzientzia lantzeko eta elkarrengandik ikasteko aukera eskaini baitzuen.
