Parketarrak egitasmoa martxan da berri ere Pasaian. Ekimen honen bidez, kaleak eta parkeak euskaraz jolasteko, hitz egiteko eta elkarrekin bizitzeko gune bihurtu nahi dira.
BOKALEk, Pasaiako Euskararen Aholku Batzordeak, bultzatuta jarri da martxan ekimena, Pasaiako Udalaren eta Hezten-en elkarlanarekin. Lizeoa BOKALEko kide ere bada, eta, horrenbestez, euskararen erabilera sustatzeko eta herrian euskaraz bizitzeko guneak indartzeko konpromisoarekin bat egiten dugu.
Parketarrak 3 eta 5 urte bitarteko haurrak dituzten familiei zuzenduta dago. Hezten-eko jolas-dinamizatzaileen laguntzaz, haurrek eta helduek elkarrekin euskaraz jolasteko, hitz egiteko eta gozatzeko aukera izango dute. Horretarako, ezinbestekoa da haurrak guraso edo helduren batekin joatea eta saioetan elkarrekin parte hartzea.
Barruti bakoitzak bere jolas-gunea
Donibane
Astelehenetan, 17:00etan
JJ Otaegi plaza
Antxo
Astearteetan, 17:30ean
Gure Zumardia
San Pedro
Asteazkenetan, 17:30ean
Frontoia
Trintxerpe
Ostegunetan, 17:15ean
Gudari plaza edo Andonaegiko pistak
Parketarrak irailaren 21etik urriaren 15era egingo da, barrutiz barruti. Eguraldi txarra eginez gero, saioak ez dira bertan behera geratuko, ordezko gune estaliak prestatuta daude.
Azken batean, Parketarrak familiekin batera euskaraz jolasteko eta harremanak euskaraz egiteko espazioak sortzea du helburu. Horregatik, gurasoen eta helduen parte-hartzea ere ezinbestekoa da.
Animatu eta zatozte jolastera, hitz egitera eta elkarrekin euskaraz gozatzera!
