Irudia
"Argixorgin" irakurri ondoren, Lehen Hezkuntzako seigarren mailako ikasleek Joseba Larratxe "Josevisky" ilustratzailearekin elkartzeko aukera izan dute Juanba Berasategi aretoan. Euskal Herriko Idazleen Elkartearen eta Pasaiako Udalaren laguntzarekin antolatutako saio honetan ikasleek ilustratzaile lanaren sekretuak ezagutzeko aukera izan dute.
Marrazkiak sortzeko trukoak erakutsi, ilustrazioekin jolastu eta galdera mordoa erantzun ditu Josebak, beti bezala, ikasleen jakin-minari erantzunez. Gainera, Xabiroi komiki aldizkaria ere hizpide izan dute, datorren ikasturtetik aurrera etxeetara eramateko aukera izango baitute!
Ohi bezala, plazera izan da Josebarekin partekatutako tartea! Eskerrik asko eta hurrengora arte!
