Pasaia Lezo Lizeoa

Hona, 2021eko Lizeoko Euskararen Mosaikoan parte hartu dugun guztion artean ERRIGORAKO SASKI EDERRA jaso dutenak. 

250etik gora irudi bildu ditugularik, oparoa eta anitza izan da erantzuna. Horietakoren bat edo beste kanpoan utzi dugula ere konturatu gara, tamalez, hutsegitea konpontzeko berandu. Bihotzez, barkaguzue. Gure errotari berdin-berdin eragiten diotela zalantzarik ez egin. 

Horregatik, guzti-guztioi ESKERRIK ASKO. Eta URTE BERRI ON!

Jaso besarkada estu bat. 

“Lizeoko Euskara Batzordea”

LH3ko ikasleak Munstro Txikiak komiki sortaz gozatzen aritu dira azken asteetan geletan egin dugun lanketa berezian. Hagintxo, Mamutxo, Frankitxo, Neskaotso, Sorgintxo eta andereño Herminia etxekotzat dituzte jada. Eta, lanaren ordainetan, sorpresa bikaina jaso dute: Mikel Santos “Belatz”, komiki sortaren ilustratzaile Donibaneko Ubera Liburutegian ezagutzeko aukera izan dute.

Iraia Oiartzabal gure ikasle ohia bisitan izan dugu. Bera moda-diseinatzailea da eta ezkongaien soinekoak egiten ditu neurrira. DBHko lehenengo zikloko ikasleekin egon da hizketan eta bere lan esperientziaz aritu da Lizeoko liburutegian.

Lizeoak euskararen erabileran puntuazio altuenak dituzten ikasleak saritzen ditugu “arratsalde kulturalak” deituriko ekimenen bitartez. Oiartzabalekin izandako elkarrizketa hau, hain zuzen ere, lehenengo ebaluazioan euskararen erabileran notarik onenak izan dituzten ikasleek lortutako saria izan da.

Abenduaren lehenengo hiru egunetan Madrilen izan dira Batx 2ko ikasle gehienak. Urtero egin ohi dugun bidaia kulturala da honakoa. Austriarren Madrilen bisita gidatu historikoa egin genuen hasteko. Prado museora eta Reina Sofia museora bisitak egin genituen ere. Azken museo horretan Picassoren Gernika bertatik bertara ikusteko aukera izan genuen. Madrilen kalez-kale ibiltzeko aukera izan genuen eta “Scape Room” bat ere egin genuen Espainiako hiriburuko kaleetan. Bukatzeko, etxerako bidean, Burgos ezagutzeko geldialditxo bat egin genuen.

Ikasleen parte hartzearekin bukatu da Pasaia-Lezo Lizeoak egin duen Urteko Batzarra. Ikasleek gelan landu dituzten bi proiektu aurkeztu zituzten jendaurrean. Batetik, LH5 mailakoek beren aiton-amonei egiten dieten omenaldi txikiaz aritu ziren. Aurreko urteetan aiton-amonak ikastolara gonbidatu ohi dituzte, baina bizi dugun egoera dela eta ekimena moldatu behar izan dute. Hala ere, LH5eko ikasleen lau ordezkarik, Oierrek, Ekhik,Aaronek eta Aiarak, agindu zuten, aurten ere, aiton-amonek jasoko dutela beren errekonozimendua. 

Hemen duzue aurtengo Euskararen Egunerako bidali dituzuten argazkiekin osatutako bideo bat. Ez ahaztu bidali duzuenon artean, batek baino gehiago sorpresatxo bat izango duzuela.... ;)

Biba zuek!!! 

EUSKARA NON? 

Ari gara Pasaiako Udalak sustatzen duen Eskubidean programaren baitako ekintza planean ariko diren lan-taldeak sortzen. LH5etik hasi eta DBH 4ra arteko ikasleek parte hartu dezakete ekimen ezin interesgarriago honetan. Pasa den ikasturtean parte-hartzen aritu ziren ikasleek ikaskide berriak nola animatu aztertzen aritu dira ikastolan eta horretarako hainbat ekintza egin dituzte: iradokizunak jasotzeko buzoiak geletan jarri, informazioa modu erakargarri batean prestatu eta beste. LH 5 eta 6 mailako 16 lagun inguru ariko dira ikasturte honetan ordezkari gisa, bina gekako.

Udazkena lantzeko jarduera ezberdinak egiten ditugu lehenengo zikloan. Horren adierazgarri, hemen dituzue jaso ditugu irudi batzuk. Udazken hasieran gure txikiek etxetik urtaroarekin zer ikusia duten naturako gaiak ekarri zituzten. Ekarritakoekin zenbait jarduera egiten joan gara urtaro osoa zehar, esaterako, hostoak lurrera bota eta haiekin jolastu "zirri zirri zar" abesten. Ekarritako gaiekin sailkapena landu dugu bi urtekoekin eta udazkeneko txokoa atondu dugu gelan. Gainera, Udazkeneko koloreekin –horia, laranja eta gorria– marrazkiak eta muralak egin ditugu.