Pasaia Lezo Lizeoa

Dagoeneko zuen etxeetara iritsi dira Hendaiako ikastolatik bidali dizkiguten txokolatezko eguberriko egutegiak. Denera, lizeokideok, 183 egutegi erosi ditugu. Elkartasun keinu xume hau laguntza aparta izango da Hendaiako Gure Ikastolaren egoera ekonomikoa arintzeko.

Asisko Urmenetaren marrazkia du egutegiak aurrealdean eta Amets Arzallus, orain gutxi Xilabako txapelketaren garailearen bertso bat atzealdean:

"Txokolate bat balitz bezala hartu hitz bat egunero,

erantz ezazu, hunki ezazu, ta sartu ahora gero,

Hasiak gara datorren ikasturteari begira lanean, txikienen matrikula epea oraindik zabaldu ez bada ere zuen inguruan Lizeoaz gehiago jain nahi duen norbait ezagutzen baduzue egiozue gonbita. Formulario hau betetzen dutenekin harremanetan jarriko gara eta gure ikastetxea eta gure proiektu pedagogikoa erakutsiko dizkiegu.

Ekintza ugari egin genituen Lizeoan pasa den astearen bukaera aldera, denak, haurren eskubideak ardatz zituztela. Azaroaren 20ko dataren bueltan,  Haur eta Nerabeen Eskubideen Nazioarteko Eguna, hain zuzen ere, maila guztietan tutoretzetan gaiaren inguruko lanketa egin genuen. Ekintza txikiak ere burutu ditugu: eskubideen gaia lantzen dituzten bideoak ikusi ditugu, kartelak eta muralak diseinatu ditugu eta Pasaiako Udalak Eskubidean programaren bitartez banatu duen “piko-piko” jolasarekin aritu gara.

Plazer bat izan da beste urtebetez proiektu honetako kide izana. Hemen ikusi dezakezue Errigorakoek bidali duten eskertza bideoa. Lizeoko komunitateak, laster banatuko diren, 69 saski erosi dituela gogorarazi nahi dugu. Herria egiten jarraitzen dugu.

Euskararen eta Euskal Kulturaren bost plaza handi dira ikastolen jaiak. Euskal musikari, kantari, dantzari eta ikuskizunetako hamaika artistaren adierazpenaren erakusleiho erraldoiak ere badira. Aurten, iaz bezala, ezin izan dira egin ohiko formatuan, eta ikastolok ez dugu hutsik utzi nahi izan aurtengo urtea ere. Horregatik, plaza horietako lagin bat prestatu dugu azaroaren 27ko jaialdian erakusteko.

Anje Duhalde eta Paz de Ziganda ikastolako abesbatza, Julen Alonso, Amak taldea eta Eñaut Elorrieta izan dira taula gainean.

Pasaiako euskararen plan estrategikoaren barne, sektoreka egiten ari diren bileretan, gaur, hilak 18, gazteek izango dute beren ekarpenak egiteko aukera. 19:00etan, Antxoko kultur etxean izango da batzarra. Atzo Lizeoko Batxillergoko geletan aurkeztu genuen egitasmoa eta gure gazteei parte-hartzeko deia egin genien.

Pasaiako euskaren plan estrategikoa osatzen jarraitzen du BOKALEk (Pasaiako Euskararen Aholku Batzordea). Herritarren ekarpenak jasotzeko garaia iritsi da, eta horretarako, azaroa bukaeran barrutiz barruti batzarrak deitu dituzte.

Lizeotik parte-hartzeko dei berezia egin nahi diogu gure komunitateari, garrantzitsua da denon iritziak eta ekarpenak jasotzea. Gainera, euskaraz hitz egiteko edo ulertzeko gai ez direnei bileretan parte har dezaten dei berezia egin die BOKALEk: “denon inplikazioa baita beharrezkoa euskararen sustapenean”.

Hauek dira antolatu diren bilerak:

Bekak eskatzeko epea bukatuta, Lizeoko Beken Jarraipen Batzordeak Ikasturte honetako datuen berri eman du. Lizeoko ikasleen %40k egin du Eusko Jaurlaritzaren beka eskaera (Jaurlaritzak horietatik zenbat onartu diren ez digu jakinarazi oraindik). Lizeoko Beka, berriz, Eusko Jaurlaritzako beka eskatzaileen %15ak eskatu du, eta horietatik %12ri onartu zaie.

Bi beka ditugu indarrean, bata, Eusko Jaurlaritzarena, eta bestea, gurea: Lizeoko Beka. Lizeoko beken eskatzaile izateko aurretik Eusko Jaurlaritzakoa eskatu beharra dago.