Pasaia Lezo Lizeoa

Gaur, Martxoak 8, Emakume Langilearen Nazioarteko Eguna, DBH lehenengo zikloko paretak apaindu ditugu. Lizeoan gizarte parekidea eraikitzeko jardunean ari gara gaur, eta egunero.

0-1 urteko haurrentzako matrikula zabaldu dugu Lizeoan (Donibane, Lezo eta Antxo) eta baita 0-2 urtekoa Pasaiako Udal Haur Eskolan (Trintxerpeko Lilitegia). Gurean matrikulatzeko interesa duzuenok deitu 943 52 68 50 telefonora, hitzordu bat adostu, eta ikastola bertatik bertara ezagutzeko aukera izango duzue horrela. Trintxerpeko Udal Haur Eskola ezagutu nahi duzuenok, berriz, deitu 943 39 05 11 telefono zenbakira hitzordu bat adosteko.

Eta bitartean, Lizeoko zein Lilitegiko irudi hauek ikustera gonbidatu nahi zaituztegu:

Gure herriak eremu gorritik atera ondoren larunbatetan Eskola Kirola saioak egitera itzuli dira LH3ko, LH4ko, LH5eko eta LH6ko gure gaztetxoak. Egoerak irauten duen bitartean ikasturte hasierako planari eutsiko dio Eskola Kirola egitasmoak. Ez da lehiaketarik izango, baina kirol desberdinak probatzeko aukera izango dute larunbatero: hockeya, irristaketa, erritmo saioak eta abar.

Asteazkenetan edo beranduen ostegunetan, hemen aurkituko dituzue hurrengo jardunaldiko ordutegiak.

Egun hauetan bizi dugun giro onari esker, azken asteetan eraikitzen aritu garen kanpoaldeko eremuak estreinatu ahal izan ditugu. Argazkian, Lehen Hezkuntzako 3 A gelakoak ikusiko dituzue.

Hiru gune prestatu ditugu, Lizeoko hiru leku desberdinetan; egurrezko aulkiak eta mahaiak eraiki ditugu, eremuetako lurra egokitu dugu eta jada erabiltzeko prest ditugu kanpoko eremu berriak. Eguraldia lagun, hemendik aurrera, kalean ohiko eskolak egiteko aukera ez dugu galduko.

Pasa den asteazken goizean, AESLEME elkarteak (Bizkarrezur-muineko lesioaren ikerletarako elkartea) gidatutako hitzaldian parte hartu zuten Batxillergoko lehenengo mailako gure ikasleek, Juanba Berasategi aretoan. Batetik, auto istripuak nola sahiestu, eta bestetik, istripu bat gertatuz gero nola jokatu azatzen aritu ziren elkarte horretako bi kide. Istripu batean testigu izanez gero, zer egin, zaurituei nola lagundu, eta zer ez egin azaldu zieten ikasleei AESLEME ekarteko bi lagunek.

Amets Artzallus lehenik eta Uxue Aberdi ondoren Batxillergo 2 eta Batxillergo 1 mailakoekin bildu dira, hurrenez hurren, Juanba Berasategi kulturgunean. Bi solasaldiak, hain zuzen ere, irakurzaletasuna bultzatzeko kanpainaren baitan burutu ditugu. 

Amets Arzallus bertsolari eta idazlearekin izandako solasaldiaren aurretik ikasleek Ibrahima eta Amets Arzallusen artean idatziriko "Miñan" nobela irakurri zuten eta bertan lantzen den migaratzaileen egoera larria izan zuten hizpide. 

Pasa den ostiralean banatu genituen Lizeoan Trastamintxo Inauterietako Kartel Lehiaketako sariak. Honakoak dira irabazleak eta finalistak, mailaz maila. Irabazleen artelanak ere ikusgai dituzue gaineratu dugun galerian. Zorionak parte hartu duzuen guztie eta bereziki irabazleei.

LH5

Irabazlea: June Martiarena 

Finalistak: Amets Bujanda, Uxua Zabaleta, Inge Olaizola, Mikel Janin, Ekhiñe Txapartegi, Enara Artola eta Nora Moran.

LH6

Irabazlea: Merling Martinez