Batx 1eko ikasleek Atzegin boluntario izateko gonbita jaso dute

2023/11/15

Atzegi elkarteko Vanesa Irureta izan dugu gaur Lizeoan eta Batxilergoko lehen mailako ikasleekin egon da hizketan, liburutegian. Iruretaren asmoa adimen-urritasuna duten pertsonen aldeko gipuzkoar elkartearen inguruko informazioa ematea izan da, eta baita, ikasleak gonbidatzea elkartearentzako lan egitera boluntariotza sarea handituz.

Maite Franko ipuin kontalaria LH1eko eta LH2ko ikasleekin

2023/11/14

Maite Franko ipuin kontalariak LH1eko eta LH2ko ikasleekin saio bana egin du Pasai Donibaneko Ubera liburutegian. Hemen ipuin kontaketaren zatitxo bat.

Asterix eta edabe magikoaren sekretua, zinema euskaraz, larunbatean

2023/11/13

Datorren larunbatean Pasaiako Zinema Txikia ekimenak "Asterix eta edabe magikoaren sekretua" filma eskainiko du Juanba Berasategin, hain zuen ere, gure LH2ko ikasleek aukeratutako pelikula.

Gonbidatuta zaudete! Gogoratu Trintxerpetik eta San Pedrotik motoraz doan joateko aukera dagoela.

Ā 

šŸ“Ā Juanba Berasategi aretoa

Txema Hernandez geologoa LH6koei harriak nola sortu diren kontari

2023/11/13

LH 6ko ikasleek "benetako geologo" bat ezagutzeko aukera izan duteĀ Lizeoko Liburutegian. Hain zuzen ere, Txema Hernandez geologo eta Lizeoko gurasoaren hitzaldi entretenigarriaz gozatu dute. Azaroaren 14an ikasleak Mendukillo kobazulora joango dira lur azalaren azpialdea ezagutzera eta, txangoa egin aurretik, geologiaz gehiago jakiteko asmoz gonbidatu dute Hernandez.
Geologia zer den azaldu ondoren, Jaizkibelgo harearriaz, Aiako Harriko granitoaz eta Mendukilo bezalako kobazuloak nola sortu ziren azaltzen aritu da Txema.

Ibon Martin idazlea LH4ko ikasleekin, Ubera liburutegian

2023/11/13

LH 4koak Ibon Martinen "Onin eta altxorraren bila" irakurtzen aritu ondoren sari polita jaso dute gaur goizean: idazlearekin egoteko aukera izan dute.

Ikasleek galdera pila egin dizkiote, eta gainera, marrazki sorta bat oparitzeko aukera ere izan dute. Ibon Martinek, bere aldetik, bazuen ikasleentzako opari bana, jolas baten bidez lortu beharrekoa. Primeran pasa dute saria lortzeko enigma askatzen.

Ekimen hau Donibaneko Ubera liburutegian egin dugu, Pasaiako Udalaren irakurzaletasuna sustatzeko programak lagunduta.

LH3koak igerilekuan; igerian ikasten eta ongi pasatzen

2023/11/13

LH3ko ikasleak Lezoko Altzate igerilekura joatenĀ dira arratsaldero igeriketa ikastaroa jasotzera. Igerian ikasi eta ongi pasa, biak bat!

Ikusi bideo honetan

#hezkuntzaĀ #euskara

Gau Beltza, gurean indartzen ari den ohitura zaharra

2023/11/02

Pozik egoteko moduan gaude. Gau Beltza, Arimen Gaua, aspaldian gurean ospatzen zen jaia, berreskuratzen ari gara.Ā Pasa den astearteĀ arratsaldean LH3tik LH6ra bitarteko ikasleak mozorroak prestatzen, koreografia bat lantzen, panpinak egiten edota makilatzen aritu ziren. DBHn dabiltzan Euskara Taldeko lagunak ere laguntzen aritu ziren zeregin horietan. Arratsaldeko azken unean, gainera,Ā LH5eko eta LH6ko ikasleek ikuskizun bat eskaini zuten goiko pistan, eta horrela, gure ikasleetako asko mozorrotuta jaitsi ziren herrietara.

Lehen Hezkuntzako txikienak Marimototsekin eta Porrotxekin jolasean

2023/11/02

Lehen Hezkuntzako lehenengo zikloko ikasleakĀ Juanba Berasategi aretora joan ziren pasa den urriaren 10ean. Sorpresa polita jaso zuten, han zituzten zain MarimototsĀ eta Porrotx. Amazoniaren inguruko kontuak izan zituzten hizpide "Ez gara jaitsiko" ipuina aitzakia hartuta. Abesten eta dantza aritu ziren, bai pailazoak eta baita ikasleak ere, etaĀ bukatzeko, zuhaitz bat oparitu ziguten Lezoko ikastolako inguruan landatzeko.

Gau Beltzaren atarian Edurne Mitxeo gurean izan da giroa berotzen

2023/10/30

Gau Beltzaren atarian giroa berotzen ari zaigu Lizeoan! Goizean, Zabarre pirata, MaƱita sorgina eta beste hainbat lagun etorri zaizkigu Edurne Mitxeok lagunduta... Laugarren mailako ikasleek adi entzun dituzte Gau Beltza ipuinaren sortzailearen istorioak eta aholkuak.

Besteak beste, sendabelarrez, naturaz, heriotzaz eta doluaz hitz egiten eta hausnartzen aritu dira.

Hendaiako ikastolako txokolatezko egutegiak, elkartasunez beteta

2023/10/27

Aurtengoan ere, Hendaiako ikastolako gurasoek txokolatezko egutegiak salgai jarriĀ dituzte. Hendaiako ikastolak bizi duen egoera ekonomiko zailari aurre egiteko neurrietako bat da hau. Zurea nahi baduzu BETE FORMULARIO HAU urriaren 31a baino lehen eta etxera eramango dizugu zure seme-alabaren bitartez. Egutegi bakoitzaren prezioa:Ā 10 euro

Orriak

-era harpidetu