Haurren aurrean helduak heldu, ekimenak Trintxerpen

2023/10/26

Euskaltzaleen Topaguneak bigarren urtez antolatu duten "Haurren aurrean helduak heldu" ekimenera batu dira Trintxerpeko gurasoak. Urriaren 19an abiatu eta urriaren 29ra bitartean gauzatuko da. Ekimen horrek helburu bikoitza du: batetik, helduen arteko hizkuntza ohituretan eragitea eta, bestetik, helduek haurren hizkuntzaren ikaskuntza eta sozializazio prozesuan duten eraginaz sentsibilizatzea.

Antolatu dute egitarauan euskarazko karaokea, jolasak eta pintxo lehiaketa egin dituzte dagoeneko. 

Eskatu HERRIGORAko zure saskia!

2023/10/23

Aurten ere, nahi izanez gero, Lizeoaren bitartez ERRIGORA saskia erosteko aukera izango dugu. Eskaera egiteko formularioa HEMEN

Lizeoko komunitateko zenbait lagun bildu ditugu ERRIGORAz aritzeko; ikusi bideo honetan egin diguten gonbidapena:

Euskararen aldeko manifestaziora joateko autobus zerrendak

2023/10/20

Azaroaren 4an euskalgintzak deitutako manifestazio nazionala egingo da Bilbon, 17:00etan Euskaldunatik abiatuta.

Pasaiako eta Lezoko euskalgintzako eragileok manifestaziora joateko deia egin dugu eta bi herrietako udalen laguntzarekin Bilbora autobusez joateko zerrendak zabaldu ditugu.

LEZOKO ZERRENDA

Kalabazak hustu eta Arimen Gaua ospatzeko prest

2023/10/18

Ohitura zaharren berreskurapenean indarra hartu du azken boladan Gau Beltzak eta Lizeoan badaramatzagu urte batzuk ohitura hori berreskuratzen eta ospatzen. Ekimena antolatzeaz LH 6ko ikasleak arduratu ohi dira eta ikasturte honetan ari dira jada lan horretan. Beraz, urriaren 31n, Santu Guztien Egunaren bezperan, Gau Beltza ospatuko dugu Lizeoan (Beherago iaz ikasleek egin zuten antzezpenaren bideoa ikus dezakezue).

Guztiak gara desberdinak! Bost urtekoek ederki dakite

2023/10/17

Bost urteko geletakoek ELMER elefantearen ipuina irakurri eta landu dute azkeneko hilabetean. Denak desberdinak garela ikasi dugu ipuinaz baliatuz. Helburua norberaren identitatea eta irudi positiboa lantzea izan dira, norberaren eta besteen ezaugarriak onartzea eta errespetatzea. Ipuina irakurri ondoren ikasle bakoitzak bere ELMER elefantea margotu du eta mural ederrak sortu ditugu Antxoko, San Pedroko, Donibaneko eta Lezoko pasilloetan. Marrazkietan, bakoitzaren ELMER desberdina eta bakarra dela garbi ikusi dugu.

Igandean Nafarroa Oinez, Etxarri Aranatzen

2023/10/03

Gipuzkoako ikastolen festa ospatu berri, datorren astebururako Nafarroako ikastolen festa ate joka dugu. Etxarri Aranatzen izango da aurten Nafarroa OinezHotsein! lelopean. Edizio honetan larunbaterako ere programazioa atondu dute Andra Mari ikastolako lagunek. 

Lizeoko autobusa igandean aterako da Etxarriruntz eta izena eman nahi duenak osteguna aurretik egin beharko du. Hemen azalpen gehiago.

 

LH3ko eta LH4ko ikasleak Donostiako Zinemaldian izan dira

2023/10/03

LH 3. mailako eta LH 4. mailako ikasleak Donostiako Zinemaldian izan dira. Anoetako belodromoan pantaila erraldoia batean "Abentura historiaurrean" pelikula ikusten aritu ginen eta goiz ederra pasa genuen. Pelikula asko gustatu zitzaigun eta barre batzuk egin genituen.

Gure teilatuko eguzki plakek 25.000 kWh sortu dituzte udako oporretan

2023/10/03

Goiener energia berriztagarrien sorkuntza eta kontsumo kooperatibak Lizeoko teilatuan jarrita dituen eguzki plakek lanean jarraitu dute ikastola udako oporrengatik itxita egon den tarte horretan. Bildu ditugun datuen arabera, eta eguraldia eguzkitsua izan ez den arren, eguzki plakek uztailean eta abuztuan 25.000 kWh pasa jaso dituzte. Zehazki, uztailean 13.561,7 kWh eta abuztuan 11.821,3  kWh.

Bi hilabete horietan, beraz, denbora epe berean 84 etxebizitza* hornitzeko adina argindar sortu da gure teilatutik.

Iker Ormazabal eta Beñat Gaztelumendi bertsotan Lizeoko liburutegian

2023/10/02

LH 4. mailako ikasleek bertso saio ederraz gozatu dute Lizeoan. Iker Ormazabal “Tturko” hernaniarra eta azkeneko Euskal Herriko bertsolaritza txapelketako finaleko zortzikotean aritu zen Beñat Gaztelumendi añorgatarra liburutegian aritu zaizkie bertsotan.

Kilometroetako Erronkan aritu gara eta primeran pasa dugu

2023/10/02

Urtero bezala, aurtengoan ere, Pasaia Lezo Lizeoak Kilometrotan ospatzen den Erronkan parte hartu du. Erriola lemapean, Errenteria-Oreretan ospatu dira oraingoan. Egunari hasiera emateko, ikastola bakoitzak Erriola abestiaren zati baten dantza egin behar izan zuen taldea aurkezteko.
Beroketa eginda, gunez gune ibili ziren ikasleak, mota guztietako probak egiten. Erreka gaineko tirolinak, adimen probak, trebetasuna, sukaldaritza eta inklusibitatea bere gain hartzen zituen kirol egokituko frogak.

Orriak

-era harpidetu