Pasaia Lezo Lizeoa

Lehen Hezkuntzako 4., 5. eta 6. mailako ikasleek bertso saio polit batez gozatu dute. Kattalin Arabolaza gaztea eta Beñat Gaztelumendi, azkeneko Euskal Herriko Bertsolaritza Txapelketako finalista izandakoa, izan dira protagonista liburutegian egindako bertso-plazan.

Bertsolariek hainbat lan burutu dituzte: hasierako eta bukaerako agurrak, zenbait lan ofizioka ikasleek gai jartzailearekin elkarlanean jarritako gaiekin, eta baita, ikasleek proposatutako oinekin sortutako bertsoak ere. Bukatzeko “nor da nor” jolasean aritu ziren bertsolariak ikasleen gozamenerako.

Errota guraso taldearen egitasmo berria euskararen alde!

Ezagutu proiektua bideo honetan 👇

Lezoko santakrutzetan ibili gara. Ohi bezala, alkate txikiek eman diete hasiera festei eta aurten June Gomez (ezkerrean) izan da Pasaia-Lezo Lizeoko ordezkaria. 

Bestetik, santakrutz jaien azken egunean, baserritarren egunean, ganadu ferian izan dira Lehen Hezkuntzako lehenengo eta bigarren mailako gure ikasleak zaldi, ardi, idi eta behi artean.

Gelatik kanpo ere asko ikasi daitekeen froga dugu hauxe, gure herriko tradizio eta kulturara gerturatzeko aitzakia aparta eta herriaren taupadarekin konektatzeko aukera paregabea izan da. Egun aberasgarria izan da denontzat!

Ikasturte hasierarekin batera, Lizeotik kanpo ere euskaraz aritzeko ekimenetan parte hartzeko zenbait lagun bisitan etorri zaizkigu. Pasaiako ludotekako kideek eta Kuadrillategiko lagunek ikasturtean zehar eskainiko dituzten ekintzak aurkeztu dizkigute, eta parte hartzeko gonbita luzatu diete ikasleei.

Eman diogu hasiera ikasturte berriari!

Ostegunean [24/09/05] Trintxerpeko, Antxoko, Lezoko eta Donibaneko Lilitegien [0-1 urte] ateak zabaldu ditugu eta astelehenean [24/09/09] gainontzeko gela guztiak. 

Emozioz betetako eguna izan dira, urduritasuna bor-bor. Ikasle askok irakasle berriak ezagutzeko aukera izan dute, beste askok eraikin berria ere estreinatu dute, material berria, lagun zaharrak berriz ikusteko aukera…

Gaur [2024/09/02] Lizeoko sei eraikinetako irakasle guztiak eraikin nagusian elkartu dira ikasturte hasierako klaustro-bileran. Iker Vidal eta Aitor Salaberria zuzendari berriek, eta Peio Egaña kudeatzaileak egin diete harrera eta hiruak ikasturte berri honetarako bete nahi dituzten helburuez aritu zaizkie. Ikasturte berriko lehen egunean elkartzen da urtero klaustroa. Aurten, berrikuntza moduan, elkar hobe ezagutzeko eta talde-espirituan indartzeko asmoz, euskal-jokoetan aritu dira irakasle eta idazkaritzako lagun guztiak.

Agur ikasturte eta ongi etorri oporrak... ikasturtean zehar bildutako irudi batzuk ikusiko dituzue bideo labur honetan, elkarrekin bizi izan ditugun momentu berezi eta zoragarriak gogoratzeko modu ederra delakoan. Argazki hauetan eguneroko jarduerak, proiektu bereziak, irteerak eta askoz gehiago jaso ditugu. Eskerrik asko ikasle, irakasle, langile, guraso eta bisitan guregana etorri zareten guztiei. Komunitate erraldoi bat gara!