Pasaia Lezo Lizeoa

Ikasturte honetan hirugarrenez garaile izan da gure ikasle Iraide Mitxelena Rivero literatur sarietan. Azkue eta Urruzuno sarietan, poesia alorrean, irabazi ondoren, gaur jakin dugu Errenteria-Oreretako Madalen Sariko irabazle izan dela Koherentzia besterik ez zitzaigun falta lanarekin. Jarraian duzue poesia irabazlea irakurgai.

Zorionak Iraide

KOHERENTZIA BESTERIK EZ ZITZAIGUN FALTA

Pasaiako zein Lezoko euskaltegietan gurasoentzako euskara ikastaro bereziak antolatzen ari dira datorren ikasturteari begira; euskara ikasteko edota hobetzeko. Aurrematrikula epea zabaldu dute. Gure ikasleek egunotan eramango dute aurrematrikula orria etxeetara. Beraz, interesa duzuenek, orria bete eta euskaltegi batera –Lezoko Oroitzene AEK euskaltegia, Pasaiako Udal Euskaltegia edo Pasai Antxoko Txirrita AEK euskaltegia– eraman, edo, nahi izanez gero, orria Lizeora ekarri.

Oraingoan LH4.mailakook gure orientazioa proban jartzeko asmotan Uliara txangoa egin dugu. Bertan jolas baten bitartez eskatutako zeregina gauzatu behar izan genuen eta gure orientazio-gaitasuna frogatu. Lortuko ote genuen pistak jarraituta mendian gure burua kokatu eta jolasa amaitzea?

Ondotxo dakigun bakarra da elkarlanean primeran moldatu ginela eta gustura baina gusturago ibili ginela mendiko txokoak arakatzen. Aupa gu!

Ikusi argazki galeria hemen!

Nekane Artola Labordeta,  Lizeoko lehendakaria izateaz gain, Ikastolen Elkarteko lehendakari ordea ere bada. Gertutik bizitzen ari da aurten hezkuntzaren marko orokorrean gertatzen ari diren aldaketak. Horien inguruan aritzea da gaurko helburua. 

Ikastarturte amaiera bidean, baloraziorik?

Gelaburuekin martxoan gai honi buruz hitz egiteko elkartu ginenez geroztik, Hezkuntza Legearen aurreproiektua onartu du Eusko Jaurlaritzak, eta Legebiltzarrera bideratuta dago.

Ekimen berri bat jarri dugu martxan gure Lilitegietan, zulotxo batetik izenez bataiatu duguna. Gurasoen aspaldiko nahi bati erantzutera datorren ekimena da, hain zuzen ere. Irakasleok beti entzun izan dugun esaldia hauxe: ikusi ahalko bagenu zulotxo batetik Lilitegian nola moldatzen diren gure seme-alabak!

Ba, zulotxo batetik baino, barne-barnetik, ikastolako egunerokoa ezagutzera gonbidatu ditugu gurasoak ekimen honen bidez. Gurasoei Lilitegira etortzeko gonbita egin diegu, umeekin egoteko, jolasteko, edota, beren lanbidera erakusteko...

Hagintxo, Mamutxo, Sorgintxo, Frankitxo eta Neskaotso. LH 5etik pasa diren ikasle guztientzako ezagunak diren pertsonaiak dira bostak. Alaine Agirrek idatzitako Munstro Txikiak ipuin sortako pertsonaiak dira, hain zuzen ere. Pasaiako Udalaren euskara sailak lagunduta, euskarazko irakurzaletasuna sustatzeko kanpainaren barruan, gure ikasleek idazlearekin hizketan aritzeko aukera izan dute.

Lehen Hezkuntzako 3. mailako ikasleek mendi-txangoa egin dute Jaizkibelen barna. Taldean primeran pasa dute, naturaz eta kirolaz gozatzen. Lezon denak elkarrekin bazkaldu eta Lizeora bueltatu dira, pozik.